محترم وزیر اعلیٰ پنجاب سید محسن نقوی نے 04 نومبر 2023 کو الفلاح بلڈنگ لاہور میں بزنس فیسیلیٹیشن سنٹر کا افتتاح کیا۔وزیر صنعت و تجارت، چین اور ترکی کے قونصل جنرلز، پنجاب کی کابینہ کے اراکین، حکومت کے اعلیٰ حکام۔ پنجاب کے معروف چیمبرز آف ٹریڈ اینڈ کامرس کے نمائندوں نے افتتاحی تقریب میں شرکت کی۔
وزیراعلیٰ پنجاب نے اپنے افتتاحی کلمات میں اس منصوبے کو چند ہفتوں کے قلیل عرصے میں مکمل کرنے پر سیکرٹری صنعت و تجارت اور ان کی ٹیم کی کاوشوں کو سراہا۔ انہوں نے کہا کہ بی ایف سی کاروباری برادری کے ساتھ ساتھ ملکی اور غیر ملکی سرمایہ کاروں کو بھی سہولت فراہم کرے گا۔ وزیراعلیٰ نے چینی اور ترکی کے قونصل جنرلز اور محکمہ صنعت و تجارت، پنجاب سمال انڈسٹریز کارپوریشن اور پنجاب انفارمیشن ٹیکنالوجی بورڈ کے بہترین کارکردگی کا مظاہرہ کرنے والے افسران کو سووینئرز پیش کیے۔
