پی بی آئی ٹی حکومت پنجاب کا ملکیتی اورکمپنیز آرڈیننس 1984ء کے سیکشن 42(جو اب کمپنیز ایکٹ 2017ء ہے)کے تحت ایک غیر منافع بخش کارپوریٹ ادارہ ہے۔ یہ سی پیک فریم ورک کے تحت بین الاقوامی اور مقامی سرمایہ کاروں کو سرکاری تا نجی (جی ٹو بی) اورنجی تا نجی (بی ٹوبی) پر مبنی شراکت داری منصوبوں کے فروغ کے علاوہ صنعتی تعاون کیلئے ایک جامع مرکز فراہم کرتا ہے۔اس کے علاوہ یہ بطور سیکرٹری سپیشل اکنامک زونز اتھارٹی کے طور پر بھی کام کرتا ہے۔